ئایە ئیسرائیل ساڵی 2022 لەناو دەچێ!؟ نوسينى: بروا عبدالله

ئەم بەشە تایبەتە بە بەهەر بابەتێکی جۆراوجۆر کە لەبەشەکانی تر نەبێت
وينه ى هاوه ڵ
hawalan
بەڕێوەبەری گشتى
بەژداریه كان: 860
بەشداربووە لە: هەینی أغسطس 26, 2011 3:38 am
Has thanked: 1 time
Been thanked: 1 time
پەیوەندى وگرێدان:

ئایە ئیسرائیل ساڵی 2022 لەناو دەچێ!؟ نوسينى: بروا عبدالله

بەژداریەكان لەلایەن hawalan »

وێنە

ئایە ئیسرائیل ساڵی 2022 لەناو دەچێ!؟
بیرۆكه‌ی له‌ناو چونی ده‌وڵه‌تی ئیسرائل، سه‌‌ره‌تا له‌ساڵی 1992 له‌لایه‌ن به‌سام نیهاد ئیبراهیم ناسراو به‌ (بسام جراڕ) بانگخواز و توێژه‌ر ورژێنرا ،
ناو براو پاش ئه‌وه‌ی بابه‌تێكی( محمد أحمد راشدی عێراقی) ئه‌خوێنێته‌وه‌، كه‌ باس له‌سیسته‌می جیهانی نوێ ده‌كا،
له‌نێوه‌ڕۆكی بابه‌ته‌كه‌دا ڕاشدی به‌سه‌رهاتێك ئه‌گێڕێته‌وه‌، كه‌ له‌ ساڵی 1948 كاتێ‌ یه‌هودیه‌كان ده‌وڵه‌تیان ڕاگه‌یاند، پیرێژنێك به‌گریانه‌وه‌ چوبوو لای دایكی ، ئه‌ویش لێی ده‌پرسێ بۆ ئه‌گری له‌وه‌ڵاما ئه‌ڵی به‌گوێره‌ی پێشبینیه‌كانی ته‌ورات ڕاگه‌یاندنی ده‌وڵه‌تی یه‌هودیه‌ت ده‌سپێكی له‌ ناوچونی ئیسرائیلە كه‌ پاش 76 ساڵ روو ئه‌دا !
به‌سام ئه‌ڵێ سه‌ره‌تا به‌بابه‌ته‌كه‌‌ زۆر سه‌رسام بووم لێ باس كردنی قسه‌ی پیرێژنه‌كه‌ جوانی بابه‌ته‌كه‌ی له‌لام نه‌هێشت،
به‌ڵام دواتر بیرۆكه‌ی به‌دواداچونی بابه‌ته‌كه‌ له‌ مێشكمدا گه‌ڵاڵه‌ببوو ،
ئیدی پاش ئه‌مه‌ به‌سام هه‌ڵده‌ستێ به‌ ورژاندنی بابه‌تێك به‌ناو نیشانی ده‌راسەی ژماره‌یی قورئانی دواتر له‌ دوو توێی كتێبێكدا بڵاوی كرده‌وه‌ ، به‌ ناونیشانی (زوال إسرائيل 2022 نبوءة أم صدف رقمية) یانی (نه‌مانی ئیسرائیل له‌ ساڵی 2022 پێشبینیه‌ یان ڕێكه‌وتێكی ژماره‌ییه‌)
تیایدا به‌شێوه‌ێكی زۆر سه‌رنج ڕاكێش شیكاری بۆچونه‌كه‌ي ئه‌كا و داتای ژماره‌ی له‌ئایه‌ته‌كانی سوره‌تی اسراو هه‌ندێ ئایه‌تی تر ‌ ئه‌خاته‌ به‌ر باس ،
له‌ڕاستیدا ئه‌گه‌ پاشخانێكی زانستیت نه‌بێ زۆر به‌ئاسانی ده‌كه‌ویه‌ ژێر كاریگه‌ری بۆچونه‌كه‌ی ،
ئه‌و ئاماژه‌ به‌وه‌ ده‌كا كه‌ ئه‌و بۆچونه‌ی ئه‌ی خاته‌ ڕوو قسه‌كردن نیه‌ له‌بابه‌تێكی نادیار به‌ڵكو نه‌تیجه‌ی وردبونه‌وه‌یه‌تی له‌قورئانی پیرۆز كه‌ به‌شێوه‌ێكی زۆر ورد ڕێكه‌وته‌كان دیاری ده‌كات
هه‌رچه‌ند ناو براو له‌په‌رتوكه‌كه‌یداو له‌كۆتا دیمانه‌یدا كه‌ له‌ 13/5/2021 له‌گه‌ڵی كراوه‌ ئه‌و بۆچونه‌ ڕه‌ت ئه‌كاته‌وه‌ كه‌ ئه‌م بابه‌ته‌ یه‌قینی بێ و گومان له‌خۆ نه‌گرێ ، به‌ڵام له‌گه‌ڵ ئه‌مه‌شدا بروای وایه‌ كه‌ 95% ڕاسته‌ !
لێره‌وه‌ ئاماژه‌ به‌هه‌ندێ له‌ به‌ڵگه‌كانی ئه‌كه‌م
به‌ڵگه‌ی یه‌كه‌م :
ئه‌ڵێ خودا له‌ ئایه‌تی 4 ئیسرادا ئاماژه‌ی به‌وه‌ كردووه‌ كه‌ نه‌وه‌ی ئیسرائیل دووجار یاخی ده‌بن و فه‌سادوو خه‌راپه‌ بڵاو ئه‌كه‌نه‌وه‌ ( وَقَضَيْنَا إِلَىٰ بَنِي إِسْرَائِيلَ فِي الْكِتَابِ لَتُفْسِدُنَّ فِي الْأَرْضِ مَرَّتَيْنِ وَلَتَعْلُنَّ عُلُوًّا كَبِيرًا) (الإسراء - الآية 4) به‌ڕای نوسه‌ر،جاري یه‌كه‌م پێش هاتنی ئیسلام بووه‌ ، وه‌جاری دووه‌میش پاش ڕاگه‌یاندنی ده‌وڵه‌تی ئیسرائیله‌
له‌پاشان ئه‌ڵێ ڕسته‌ی (وَعْدُ الْآخِرَةِ ) دووجار له‌قورئاندا هاتووه‌ هه‌ر دووكیشی له‌سوره‌تی ئیسرادایه‌، هی یه‌كه‌م ئاماژه‌یه‌ به‌ جاری یه‌كه‌م،
هی دووه‌میش كه‌ له‌ ئایه‌تی104 ئیسرادا هاتووه‌ ئاماژه‌یه‌ به‌جاری دووه‌م كه‌ خودا له‌ناویان ده‌با !
پاشان ئه‌ڵێ ئه‌گه‌ سه‌رژمێری وشه‌كان بكه‌ین له‌ ده‌سپێكی سه‌رگوزشته‌ی موسادا علیه السلام تا وشه‌ی ( وَعْدُ الْآخِرَةِ) دووه‌م كه‌ له‌ئایه‌تی 104 دا هاتووه‌ ئه‌كاته‌ 1443 وشه‌
بۆیه‌ ئه‌گه‌ به‌ساڵی كۆچی بابه‌ته‌كه‌ شیكه‌ینه‌وه‌ دیاره‌ ساڵی 1367 هـ یه‌هودیه‌كان ده‌ووڵه‌تیان ڕاگه‌یاندا 1367=76 ده‌كاته‌ 1443 ،
به‌ڵگه‌ی دووه‌م :-
لێكدانه‌وه‌ی پیته‌كان به‌ یاسای وشه‌ ژمێری.
دیاره‌ كاتی خۆی عه‌ره‌به‌كان پیش هاتنی ئیسلام له‌به‌رامبه‌ر هه‌ر وشه‌ێكی عه‌ره‌بیدا ژماره‌ێكیان داناوه‌ بۆ نمونه‌ وشه‌ی أ ژماره‌ یه‌ك بووه‌ ، وشه‌كانی تریش به‌م شێوه‌یه‌،
به‌كورتی هه‌ر وشه‌یه‌ك ژماره‌ی خۆیان بۆ داناوه‌
جا ئه‌گه‌ بێین ڕسته‌ی (فَإِذَا جَاءَ وَعْدُ الْآخِرَةِ جِئْنَا بِكُمْ لَفِيفًا} [الإسراء: 104] به‌ ریوایه‌تی وه‌رش بێنین ژماره‌ی پیته‌كان لێك ده‌ینه‌وه‌ ئه‌كاته‌ (2022)
وه‌بۆ هه‌ڵ هێنجانی ساڵی عیبری كه‌ 5782 له‌ سوره‌تی ئیسرادا ئه‌ڵێ
پاش وشه‌ی لفیفا ئه‌م ئایه‌ته‌ دێ كه‌ ئه‌ڵێ {وَبِالْحَقِّ أَنْزَلْنَاهُ وَبِالْحَقِّ نَزَلَ } [الإسراء: 105] جومله‌ی (وبالحق) ده‌كا (1444 ) وه‌ جومله‌ی (أنزلناه )ده‌كا( 1445) وه‌جومله‌ی (وبالحق) ده‌كا( )1446 وه‌جومله‌ی( نزل) ده‌كا (1447) كۆی ئه‌و ژمارانه‌ ئه‌گه‌ لێك ده‌ینه‌‌وه‌ ئه‌كاته‌ 5782.
به‌ڵگه‌ی تریش دێنێته‌وه‌ لێ له‌به‌ر درێژ نه‌بونه‌وه‌ی بابه‌ته‌كه‌ ئاماژه‌یان پێ ناكه‌م.
بۆ زانیاریتان ئه‌وه‌ی مامۆستا شه‌ماڵ ئاماژه‌ی پێ ده‌كا بۆچوونه‌كانی به‌سام جه‌ڕاڕیه‌ نه‌ك زاده‌ی بیری خۆی بێ!
هەندێ کەسایەتی تر کەباوەڕیان بەڕووخانی ئیسرائیلە
1-یه‌كێ له‌و كه‌سایه‌تیانه‌ لێكۆله‌ر‌و مێژو نوسی فه‌ڵه‌ستینی (عدنان أبو تبانه)‌ أبو تبانه‌ یه‌كێكی تره‌ له‌و كه‌سایه‌تیانه‌ی كه‌باوه‌ڕی وایه ساڵی‌ 2022 ئیسرائیل له‌ناو ده‌چێ ، وه‌كۆتا سه‌ركرده‌شیان به‌پێی پێشبینیه‌كانی ته‌ورات ناوی (عطاء الله) كه‌ به‌عیبری ده‌كاته‌ (نتنایاهو‌ ) وشه‌ی (نتن) یانی (عطاء) یاهو یانی (الله)
ناو براو ئه‌م بۆ چونه‌ی له‌ ئه‌نجامی لێكۆڵینه‌وه‌كان پێی گه‌یشتوه‌ نه‌ك زاده‌ی بیری به‌سام بێ
قسه‌كانی پشت ڕاست ئه‌كاته‌وه‌ به‌ بۆچونی تیره‌ی‌ یه‌هودیه‌كانی‌ (الأرثوذكسية ) كه‌ بیرو باوه‌ڕیان وایه‌ ڕاگه‌یاندنی هه‌ر ده‌وڵه‌تێك پێش هاتنی مه‌سیحی رزگار كه‌ر گوناهێكی گه‌وره‌یه‌و ئه‌نجامه‌كه‌ی له‌ناوچونی ئیسرائیله‌.
2-یه‌كێكی تر له‌و كه‌سایه‌تیانه‌ بیرمەندی میسری (عبد الوهاب المسیری) كه‌ لە توێژینەوەكەیدا لە مێژووی سەهیونیەت دەگات ئه‌و دەرەنجامی كه‌ ئیسرائیل به‌ره‌و له‌ناو چون ده‌چێ!
شایه‌نی باسه‌ المسیری نزیكەی چارەكە سەدەیەك‌ سەرقاڵی نوسینەوەی مەوسوعەیه‌ك بوو له‌ژێر ناو نیشانی( یەهود و یەهودیەت و سەهیونیەت-) لە كۆتا مانگەكانی تەمەنیدا كه‌ لە ساڵی 2008 چاوپیكه‌وتنیان له‌گه‌ڵ كردووه‌ زۆر به‌رونی پێشبینی ئه‌‌وه‌ ده‌كا كه‌ پاش 50 ساڵی تر كۆتای به‌ ده‌وڵه‌تی ئیسرائیل دێ
ئه‌و پێی وایه‌ ئه‌م بۆچونه‌ی ئه‌نجامی لێكۆڵینه‌وه‌ لۆژیكیه‌كانیه‌تی كه‌ پێی وایه‌ ئیسرائیل دەوڵەتێكی كار پێسپێردراوە بە مانای ئەوەی هێزە ئیستعماریەكان دروستیان كردووە بۆ ئەوەی كاری پێ بكەن، ئەمەش پرۆژەیەكی ئیستعماریە و پەیوەندی بە یەهودیەتەوە نییە.
وه‌یه‌كێ له‌ هۆكاره‌كانی تر به‌رگری فه‌ڵستینیه‌كانه‌ كه‌ ئه‌گه‌ر شكستیش به‌ ئیسرائیل نه‌هێنێ ته‌واو ماندوویان ده‌كا ، وایان لێدێ لەماوەی چەند دەیەیەكدا به‌ره‌و ڕوخان بڕۆن – چونكە جەنگە رزگاریخوازەكان ئه‌گه‌ر نه‌شیان توانیبێ دوژمنه‌كانیان له‌ناو به‌رن كارێكیان پێ كردوون خۆیان بدنه‌ دەست!
نمونه‌ی زیندوش بەرگری كردنی ڤیتنامه‌ له‌گه‌ڵ هێزی سوپای ئەمەریكا هه‌ر چه‌ند سوپاكه‌یان نەشكاند بەلام توشی بێ هیواییان كردن هەروەك جەنگاوەرەكانی جەزائیر دژی ئیستعماری فەرەنسی.
هۆكارێكی تر كۆچكردنی پێچەوانەی یه‌هودیه‌كانه‌ لە ئیسرائیلەوە بۆ دەرەوە ئه‌مه‌ش بۆ به‌ده‌س هێنانی ڕه‌گه‌زنامه‌ی ئه‌وروپی چون قه‌ناعه‌تیان به‌ ده‌وڵه‌ته‌كه‌یان نه‌ماوه‌
هۆكارێكی تر كێشەی زیاد بوونی عەرەبەكان و كه‌م بوونی یەهودیه‌كان بە به‌هۆی كۆچكردن و كەم خستنەوەی منداڵ.
یه‌كێكی تر له‌م كه‌سایه‌تیانه‌
أحمد یاسین سه‌رۆكی دامه‌زرێنه‌ی حه‌ماس ئه‌و پێی وایه‌ ساڵی 2027 له‌ناو ده‌چن
له‌دیدارێكیدا كه‌ له‌گه‌ڵ كه‌ناڵی جه‌زیره‌ ئه‌نجامی داوه‌ بۆ چونی خۆی ڕون ئه‌كاته‌وه‌ ئه‌ڵێ ئیسرائیل ساڵی 2027 له‌ ناو ده‌چێ له‌به‌ر ئه‌م هۆكارانه‌
1-ده‌وڵه‌تی ئیسرائیل له‌سه‌ر زوڵم و سته‌م دامه‌زراوه‌ هه‌ر ده‌وڵه‌تیك له‌سه‌ر زوڵم و سته‌م دامه‌زرێ ئه‌نجامه‌كه‌ی له‌ناو چونه‌ هه‌ر چه‌ند به‌هێزو ده‌سه‌ڵاتیش بێ.
2- به‌پێی ده‌قی قورئانی هه‌موو چل ساڵ جارێ نه‌وه‌كان گۆڕانیان به‌سه‌ر دادێ نه‌وه‌ی چل ساڵی یه‌كه‌می فه‌ڵستینیه‌كان له‌مینه‌تی وكاره‌سات ودابوون، نه‌وه‌ی چل ساڵی دووه‌م ڕوبه‌ڕوبونه‌وه‌و شه‌ری ێخه‌و ده‌سته‌ بوو،
بۆیه‌ نه‌وه‌ی جیلی سێیه‌م سه‌ركه‌وتن ئه‌بێ!
كاتێ بێژه‌ره‌كه‌ پرسیاری ئه‌و خاڵه‌ی دووه‌می لێ ده‌كا كه‌ ئه‌م بۆچونه‌ی له‌چیه‌وه‌ سه‌رچاوه‌ی گرتووه‌ ئه‌ڵی كاتی خودا عقوبه‌ی نه‌وه‌ی ئیسرائیلیدا كه‌ چل ساڵ له‌ بیابانه‌كاندا سه‌رگه‌ردان بن بۆئه‌وه‌ی ئه‌و جیله‌ نه‌خۆشه‌ی كه‌ ئاماده‌ نه‌بوون بجه‌نگن له‌پێناوی خودا نه‌مێنن ،جیلێكی نوێی ئازاو بوێر بێته‌ جێان.
دیدگای كاربه‌ده‌ستان وفه‌یله‌سوف و لێكؤڵه‌ره‌وانی جوله‌كه‌و ڕۆژ ئاوا لەمەڕ ڕوخانی ئیسرائیل.
1-نوسه‌رو مێژو نوسی ئیسرائیلی (بینی مۆریس) پێی وایه‌ ده‌وڵه‌تی ئیسرائیل پاش 30 تا 50 ساڵی تر به‌ته‌واوی له‌ناو ده‌چێ
ناو براو له‌ چاو پێكه‌وتنێكیدا له‌گه‌ڵ ڕۆژنامه‌ی (هآرتس ئیسرائیلی ) كه‌ له‌به‌رواری 28/1/2019 ئه‌نجامداوه‌
ئه‌ڵێ " هیچ دەرچەیەك نابینم بۆ خۆمان"، ئەمەش لە خستنە روی ئەو قسانەدا بو سەربارەت بە هەلی مانەوەی ئیسرائیل وەك " دەوڵەتێكی یەهودی".
2-بنكه‌ی توێژنه‌وه‌ له‌مۆسكۆله‌ساڵی 2002 له‌ ڕاپۆرتێكدا ئاماژه‌یان به‌وه‌ داوه‌ كه‌ پاش بیست ساڵی تر ئیسرائیل هیچ كیانێكی نامێنێ.
3-وه‌زیری ده‌روه‌ی ئه‌مه‌ریكا( هنري كيسينجر) پێی وایه‌ ساڵی 2022 ساتی له‌ناوچونی ئیسرائیله‌ نوسه‌ر ڕۆژنامه‌ نوس (كيفن باريت ) له‌ ڕۆژنامه‌ی (نيويورك بوست ) ئاماژه‌ی به‌م قسه‌یه‌ی ناو براو كردووه‌.
له‌به‌ر درێژ نه‌بونه‌وه‌ی بابه‌ته‌كه‌ ئاماژه‌م به‌كه‌سانی تر نه‌كرد
ڕه‌خنه‌گران لەبۆچونی بسام
1-یه‌كێ له‌م كه‌سایه‌تیه‌ دیارانه‌ی كه‌ ڕه‌خنه‌ی له‌ بۆچونی بسام گرتووه‌ دكتۆر ئه‌یاد قونه‌یبیه‌ ،ناو براو پێی وایه‌ ئه‌م بۆچوون و توێژینه‌وانه‌ زۆر جێی مه‌ترسین له‌سه‌ر گه‌نجانی داهاتوو، به‌تایبه‌تی ئه‌گه‌ر نه‌تیجه‌كه‌ نه‌ێته‌ جێ، ئه‌و كات زۆر كه‌س ئه‌كه‌ونه‌ گومان له‌ ڕاستیه‌تی قورئان و زۆرى تريش تووشى بێ ئومێدی ئه‌بن.
2-یه‌كێكی تر له‌و كه‌سایه‌تیانه‌ی ڕه‌خنه‌ی له‌ توێژینه‌وه‌كه‌ی به‌سام گرتووه‌ ئەندازیار و توێژەری ئیعجازی زانستی قورئانی پیرۆز دكتۆر "عبدالدائم كحيل" كه‌ ناو براو خاوەنی شازدە ساڵ ئەزموونه‌ لەو بوارەدا،
ئه‌و پیی وایه‌ به‌ڵگه‌ كانی به‌سام زانستی نین، چون ژماره‌ی ئایه‌ته‌كان له‌گه‌ڵ ساڵه‌كاندا یه‌كناگرێته‌وه‌
3-یه‌كێكی تر له‌و كه‌سایه‌تیه‌ دیارانه‌ی كه‌ دژایه‌تی ئه‌م بۆچونه‌ی ده‌كرد محمد غرالی بوو
كه‌ ئه‌ڵێ -پێویسته پێش لەناوچوونی ئیسرائیل ئەو ڕژێمە عەرەبیانە لەناوبچن کەبە گەلەکانیان پێدەکەنن و وڵاتەکانیان وێران کردووەو ترس و بیمیان خستۆتە دڵی خەڵکەکەیانەوە
نوقته‌ی سه‌ر دێر
سه‌ره‌تا ئه‌بی ئه‌م ڕاستیه‌ بزانین كه‌ ئومه‌ی ئیسلامی به‌م پێشبینیانه‌ ناچێته‌ پێش ،
نه‌ك هه‌ر ئه‌مه‌نده‌ به‌ڵكوو ئه‌م بیرۆكانه‌ موسوڵمانی فێره‌ ته‌مبه‌ڵی وپاڵدانه‌وه‌ كردووه‌ و چاوه‌ڕانی كاته‌كه‌ ئه‌كه‌ن،
له‌كاتێكا ئه‌گه‌ ڕاست نه‌بێ ڕه‌نگه‌ زیان به‌ ئیمانیشیان بگه‌ێنێ
ئه‌م بابه‌ته‌ ڕێك وه‌ك ئه‌و پرسیاره‌ وایه‌ كه‌له‌خۆشه‌ویست كرا كه‌ ئایه‌ كه‌ی قیامه‌ت هه‌ڵده‌ستێ ؟! خۆشه‌ویست زۆر به‌ حه‌كیمانه‌ وه‌ڵامی دایه‌وه‌ به‌كابرای فه‌رموو چیت بۆ ئاماده‌ كروه‌؟!
به‌ڵێ ئه‌مه‌ جه‌وهه‌ری بابه‌ته‌كه‌یه‌
گه‌ر ئێمه‌ قه‌ناعه‌تمان وایه‌ ئیسرائیل له‌ناو ده‌چێ!
كوا‌ چیمان كردووه‌ بۆ ئه‌وڕۆژه‌ !
كوا ئاماده‌ سازیمان!
كو ڕاوه‌ستانمان به‌رامبه‌ر سته‌مكاران !
هه‌ر كه‌مێك له‌خۆمان ڕامێنین پرسیارێك له‌خۆمان بكه‌ین ئێستای حاڵی ئێمه‌ هی ئه‌وه‌یه‌ خودا ئه‌م ئه‌ركه‌ پیرۆزه‌ بكاته‌ خه‌ڵاتمان!
ئایه‌ له‌و ئاسته‌ین كه‌ به‌ردوو دار پێمان بڵێ ئه‌ی موسوڵمان وه‌ره‌ ئه‌وه‌ یه‌هودیه‌ له‌پاڵما خۆی شاردۆته‌وه‌ وه‌ره‌ بیكوژه‌!
كاتی خۆی به‌شێك له‌زانایانمان له‌مه‌سه‌ی كۆتای هاتنی دوونیا كه‌وتنه‌ ئه‌و هه‌ڵه‌یه‌ی كه‌ پیاوانی ئێستا تێی كه‌وتون !
یه‌كێ له‌مانه‌ ئیمامی طبری بوو ڕه‌حمه‌تی خودای لێبێ كه‌ هه‌ندێ ده‌قی كردبۆ به‌ڵگه‌ له‌سه‌ر تێكچونی دوونیان
ئه‌ی ووت پاش 500 ساڵ له‌ناردنی خۆشه‌ویست دوونیا خه‌راده‌بێ
یه‌كێكی تر له‌م زانایانه‌ ئیمامی سهیلی ئه‌م كه‌ڵه‌ پیاوه‌ هه‌ستا به‌ لێكدانه‌وه‌ی ژماره‌ی پیته‌ سه‌ره‌تاییه‌كانی قورئان ووشه‌ دووباره‌ بووه‌كانیشی هه‌ژمار نه‌كرد
له‌نه‌تیجه‌ گێشته‌ ئه‌و بڕوایه‌ی كه‌ پاش 903 سأل له‌دوای هیجره‌تی خۆشه‌ویست دوونیا تێك ده‌چێ!
وه یه‌كێكی تر له‌و كه‌ڵه‌ زانایانه‌‌ ئیمای سویطی یه‌ ڕه‌حمه‌تی خودای لێبێ
كه‌ به‌پشت به‌ستن به‌هه‌ندێ فه‌رموده‌ی لاوازو هه‌ڵبه‌ستراو بگاته‌ ئه‌و قه‌ناعه‌ته‌ی كه‌ ئه‌م ئومه‌ته‌ ته‌مه‌نی هه‌زار ساڵ ده‌بێ.
ڵی به‌داخه‌وه‌ ئه‌م بیرۆكانه‌ هیچیان ڕاست ده‌رنه‌چوون ئێستا 1442 ساڵ به‌سه‌ر كۆچی خۆشه‌ویستا ڕۆیشتوه‌و دونیاش هه‌ر وه‌كوو خۆیه‌تی !
به‌كورتی زوو یا دره‌نگ ده‌وڵه‌تی ئیسرائیل كۆتای پێ دێ به‌ڵام ڕه‌نگه‌ من یا تۆ ئه‌و كاته‌ له‌ له‌دوونیا نه‌مابین
خودا لێپرسینه‌وه‌مان له‌گه‌ڵ ناكا له‌شتێك كه‌ له‌توانای ئێمه‌ به‌ده‌ر بێ!
ته‌نها پێما ئه‌ڵێ ئه‌و شته‌ی له‌تواناتان دا بوو بۆ نه‌تاكرد!؟
نوسینی brwa abdulla
وێنە

گەڕانەوە بۆ ”بابەتی هەمەڕەنگ“